Cleachd na ceangalan gu h-ìseal gus nithean co-cheangailte ris a lorg

B' ann à Batan Gorm, Drochaid Chàrr a bha Alasdair Grannd (1856 - 1942) bho thùs, àite bhon tàinig am far-ainm aige 'Batan'. Mar bhalach òg bha e fosgailte dhan dà nì a thàinig gu bhith sàr dhìoghrasach na bheatha, fìdhlearachd agus iasgach. Chaidh e air adhart gu bhith sàr chomasach san dà raon sin; mar iasgair slaite a chruthaich slat-iasgaich shònraichte gun choimeas dha fhèin, a bha aithnichte mar 'Grant Vibration Rod', agus mar fhìdhlear a stiùir An Comann Srathspè & Ruidhle Gàidhealach airson faisg air dà fhichead bliadhna agus mar eòlaiche ann an dòighean dèanamh fhìdhlean. Dh'innlich e fidheall shònraichte air chumadh clàr leis an ainm 'Rondello'. Tha eisimpleir de shlat-iasgaich, fidheall agus Rondello a' Ghranndaich rim faicinn ann an Taigh-tasgaidh agus Gailearaidh Ealan Inbhir Nis.

Bha an Granndach na charaid mòr dha neach-ciùil agus neach-sgrìobhaidh ciùil eile, Seumas Scott Skinner (1843-1927), a bha na phrìomh mheadhan air leasachadh ciùil Albannach traidiseanta agus bhathar gu tric ga ainmeachadh mar 'Rìgh an t-Srathspè'. Chaidh an làmh-sgrìobhainn seo (ceann-là Dàmhair 1905) a chur gun Ghranndach le Skinner. Tha an ceòl ann airson 'Eugene Stratton', aon de sgrìobhaidhean puirt mara Skinner. Bho na notaichean aige tha e soilleir nach robh Skinner air an fhonn seo fhoillseachadh fhathast, agus bha e an dùil a chur ann an eagran eile de 'The Harp and Claymore', a bha ri thighinn, cruinneachadh de cheòl dannsa Albannach, fuinn agus òrain a chaidh fhoillseachadh an toiseach ann an 1904. (b' e fèistear a rugadh ann an Aimeireagadh a bh' ann an Stratton (1861 - 1918) a ghluais a Shasainn agus a thàinig gu bhith na chleasaiche talla ciùil.

Tha seo ann an cruinneachadh ann an Taigh-tasgaidh is Gaileiridh Ealan Inbhir Nis.
Airson tuilleadh fiosrachaidh faic duilleag nan còmpàirtichean.